How to calculate Cement, Sand, and Aggregate
How to calculate Cement, Sand, and Aggregate. Steel Calculation for RCC Slab – How to find quantity of steel for Slab?
کنکریٹ یعنی ریت، بجری اور سیمنٹ کا حساب کرنا۔
اکثر احباب کا سوال ہوتا ہے کہ ہم نے فلاں جگہ کنکریٹ کرنی ہے تو اسکا حساب کرکے بتائیں کہ اس میں سیمنٹ کتنا لگے گا، کتنی ریت اور کتنی بجری۔
تو آئیں آج آپکو سکھاتے ہیں کہ بہ آسانی ان چیزوں کا حساب کیسے کیا جاتا ہے۔
سب سے پہلی بات تو ان چیزوں کا حساب کرنے کے لیے آپکو ریشو/مقدار کا پتہ ہونا چاہیئے کہ کیسے آپ نے کنکریٹ کرنی ہے مثلا عام چھت کی ریشو 1:2:4 ہوتی ہے، (ایک حصہ سیمنٹ، دو حصے ریت، اور چار حصے کرش) فرش سے پہلے کا کچا کیا جارہا ہوں تو عموما 1:3:6 ہوتا ہے، جبکہ کالمز اور بیمز کے لیے 1:1.5:3 استعمال ہوتا ہے غرض جو بھی ریشو ہو اسکا پتہ ہونا چاہیئے۔
اب آپ اس ایریے/رقبے کو ماپ لیں اور اسکے کیوبک فٹ نکال لیں جس میں آپ نے وہ کنکریٹ کرنی ہے مثلا ایک 25فٹ چوڑی اور 50′ فٹ لمبے ایریے میں آپ 5انچ موٹی کنکریٹ کرنا چاہتے ہیں تو اس ایریے کی کنکریٹ کا حساب کچھ یوں ہوگا۔
25x50x(5/12) = 525 کیوبک فٹ۔
اب اس حاصل ضرب کو 1.54 سے پھر ضرب دیں۔
(1.54 ایک مستقل ریٹ ہے اس سے ضرب کیوں دیا جاتا ہے ؟
تو جان لیجیے کہ آپ ایک آدھی بالٹی بجری/کرش کی لیں اور پھر دوسری آدھی ںالٹی ریت کی۔
جب ریت کی بالٹی آپ کرش کی بالٹی میں ڈالیں گے تو اصولی طور پر تو ہونا چاہیئے کہ آدھی بالٹی ریت اور آدھی بالٹی کرش مل کر پوری ایک بالٹی بن جائیں، لیکن ایسا ہوگا نہیں۔
کیونکہ جیسے ہی آپ اس پر پانی ڈالیں گے تو پانی ریت کو بہا کر بجری میں موجود خلاء/voids میں لے جائیگا، انجینیئرز کے بار بار کیے تجربات سے ثابت شدہ ہے کہ قریب آدھی سے کچھ زیادہ ریت بجری کے خلاء میں چلی جاتی ہے اس لیے ہم اسے 1.54 سے ضرب دیتے ہیں)۔
525×1.54=808.5کیوبک فٹ
اب اگر آپکی ریشو 1:2:4 ہے تو سیمنٹ نکالنے کے لیے 1+2+4 یعنی کل 7حصے۔
808.5÷7=115.5کیوبک فٹ
115.5÷1.25=92.4bags.
ریت کے لیے۔
808.5÷7= 115.5×2 = 231فٹ
جبکہ کرش کے لیے
808.5÷7= 115.5×4 =
462 کیوبک فٹ۔
نوٹ :: سیمنٹ کے حاصل شدہ کیوبک فٹ کو 1.25 سے تقسیم کرنے کی وجہ ہے کہ ایک 50 کلو والا سیمنٹ کا بیگ 1.25 کیوبک فٹ ہوتا ہے
For more information read next article: Estimation of materials in Brick Work
Credits: Safdar N Sons Associates and Builders
